Məlumat Mərkəzi Həlləri

Məlumat Mərkəzi Həlləri müəssisələrin etibarlı və dayanıqlı işləməsində vacib rol oynayır. Bulud hesablama, əşyaların interneti və böyük data  həlləri kimi texnologiyalar məlumat mərkəzlərinə tələbatı artırır.

Müasir məlumat mərkəzlərinin iş fəaliyyəti bulud hesablama (cloud computing), əşyaların interneti (Internet of Things), və Böyük data həlləri (Big Data solutions) kimi texnologiyaların istifadəsindən asılı olaraq dəyişir. Bu texnologiyaların inteqrasiyası məlumat mərkəzlərinin səmərəli, etibarlı və istifadədə çevik olmasını tələb edir. Belə mərkəzlərin infrastrukturu istənilən şəraitdə sabit fəaliyyət göstərməlidir və bunun üçün məlumat mərkəzi aşağıdakı əsas tələblərə cavab verməlidir:

• Mühəndis alt sistemlərinin paralel fəaliyyəti: Məlumatların fasiləsiz emalını və mərkəzin dayanıqlılığını təmin etmək üçün mühəndis alt sistemləri paralel şəkildə işləməlidir.
• Ehtiyat soyutma sistemi: Yüksək həcmli məlumatların işlənməsi zamanı yaranan istiliklərin qarşısını almaq üçün müasir soyutma texnologiyaları ilə təmin olunmalıdır.
• Ehtiyat enerji təminatı sistemi: Elektrik kəsintiləri zamanı məlumat mərkəzinin fəaliyyətinin dayanmasının qarşısını almaq üçün fasiləsiz enerji mənbəyi tələb olunur.
• Ehtiyat telekommunikasiya infrastrukturu: Məlumatların təhlükəsiz və sürətli mübadiləsi üçün internet və şəbəkə əlaqələrinin davamlılığı təmin edilməlidir.

AE Union, müasir standartlara cavab verən və texnoloji yenilikləri əhatə edən Məlumat Mərkəzi Həlləri sahəsində və İt Həllərində peşəkar xidmətlər təqdim edir. Şirkətin Uptime Institute, Schneider Electric, HPE, Cisco və Juniper tərəfindən sertifikatlaşdırılmış mütəxəssisləri Azərbaycanda bir neçə məlumat mərkəzinin qurulmasında əsas icraçı və podratçı kimi iştirak etmişdir.

AE Union sizə aşağıdakı xidmətləri ən üstün səviyyədə təqdim edərək, data mərkəzi layihələndirmə və qurulması sahəsində etibar edə biləcəyiniz tərəfdaş ola bilər:

• Data mərkəzinin dəyərləndirilməsi: Məlumat mərkəzinin cari vəziyyətinin texniki müayinəsi və dəyərləndirilməsi.
• Data mərkəzinin quraşdırılması və dizaynı: Layihələndirmə və sxemləşdirmə daxil olmaqla müasir data mərkəzlərinin inşası.
• Havalandırma və soyutma: Sahənin düzgün havalandırılması və yüksək məhsuldarlıq təmin edən soyutma sistemlərinin qurulması.
• Elektrik təminatı və fasiləsiz enerji təchizatı: Yüksək səmərəli enerji təminatı və ehtiyat mənbə ilə təchiz olunma.
• Layihənin tam təhvil verilməsi: Data mərkəzinin tam təhvil verilməsi ilə açar təslimi əsasında tam şəkildə xidmət göstərilməsi.
• Önləyici tədbirlər və texniki dəstək: Məlumat mərkəzinin dayanıqlığını təmin edən önləyici tədbirlər və texniki dəstək xidməti.
• Yerdəyişmə və təcili dəstək xidmətləri: Data mərkəzinin yerdəyişmə prosesinin həyata keçirilməsi və təcili xidmətlər.

AE Union tərəfindən təqdim olunan Məlumat Mərkəzi Həlləri müəssisələrin texnoloji ehtiyaclarını qarşılayaraq, onların dayanıqlı və etibarlı fəaliyyətini təmin edir. Bu unikal həllər sayəsində müəssisələr, rəqabət qabiliyyətini artıraraq texnoloji inkişafa uyğunlaşa bilər.